TURA, 9 Feb : U MLA ka Gambegre uba long ruh u kyrtong ka Congress u Saleng A Sangma ula phet krad bad kiar ia ka kynhun jong ka Election Commission ban talasi iaka kali kaba u shong.
Katei ka kynhun ryngkat ka jingdonlang ki pukit kala kthong ia ka kali u Saleng bad kala ioh bat ha kawei ka surok kaba don ha Gambegre bad kila pynlong iaka jingtalasi iaka kali hynrei kim shym la lap eiei satia.
Ka Election Commission kala buh ia ki kynhun peitngor bad ki pulit ha Gambegre, kaba jngai kumba 9 mile, na ka nongbah Tura.
Katei ka kynhun haba kala shem ia ka jingiaid ka Gypsy pulit kiba ai jingiada ia u MLA kaba thmu ban leit sha Gambegre, kumta kila phah sangeh ia ka kali, hynrei kim shym la kohnguh iaka jingbthah ka kynhun peitngor, pynban kila niah sted bad phet na katei ka jaka hybrei ki pulit kila ioh ban bat ia katei ka kali kaba shong u MLA ha kaba kila pynlong iaka talasi kaba bniah bha.
Watla ia katei ka kali bad ia u MLA ym shim la bat ne kem, namar ka jingpynkhein iaka jingbthah jong ki bor kiba dei khmih kumta la pynsangeh shi syndon ban buh iaka police escort bad ia ki personal security officers (PSO) bad la phah noh ia ki ba kin leit phai noh sha Shillong.
La rejistar kes halor katei ka jingjia bad ki pulit kila pynpaw ba kin iaid katkum ki kyndon ain ban pynthikna ba yn ym don mano mano ruh kiba lah ban pynkhein iaka ain.
