Nongpoh, K’lyngkot 31: Ka seng Ri-Bhoi Youth Welfare Organisation (RBYWO) kala dawa ia ka Sorkar Jylla ban phaikhmat lem sha Ri-Bhoi District ha kaban kyntiew ia ki kam ialehkai da kaba wanrah ia ki Stadium bad ka madan Artificial Turf.
Ka seng RBYWO kala phah da ka dorkhas sha u Myntri ka tnad ialehkai Bah Shakliar Warjri ba un shimhia lem ia ka thain Ri-Bhoi ba kan ioh lang noh ia ki madan ialehkai kiba bha bad ba janai kumba ioh long kiwei kiwei ki District ka Jylla.
Kane ka jingdawa ka RBYWO kala mih ruh hadien ba ka Ri-Bhoi District kala ioh ia ka kyrdan kaba ar ne Runners Up jong ka 5th Meghalaya Games 2024 ha ka jingioh khur takma. Ka District kala ioh haduh 79 tylli ki takma ba kynthup ia 27 tylli ki takma ksiar, 22 tylli ki takma rupa bad 30 tylli ki rnong.
Nalor kane, ka Ri-Bhoi District kala bat kum ka Champion jong ka 5th Meghalaya Games 2024 ha ka jingialehkai phutbol da ka jingioh rah ia ka nam lahduh haki jingialehkai U-18 jong ki Shynrang bad ki Kynthei.
“Ka RBYWO ka sngewkmen ban tip baka Tnad ialehkai kala lah shibun ban kyntiew iaki khun Samla ka Jylla ha kiba bun ki jait jingialekai, khamtam ki jingpynbit pynbiang iaki jingdonkam haki kam ialekai sports naduh ki tiar ki tar, ki madan hapoh bad shabar ki jaid jinglehkai” ong ka dorkhas bala soi da u Vice President Elvis Kyrsian, Secretary Kenny Nongrum bad Sports Secretary Richard Nongbri.
Ka RBYWO ka pynpaw ia ka jingsngewkmen ia ka jingshimkhia jong ka Sorkar bad u Myntri ban kyntiew ia ki kam ialehkai da ka jingplie bad jingtei ia ki stadium bad ki madan artificial turf na ka bynta ka phutbol bad kiwei ki jingialehkai.
“Hynrei haba phai sha thain Ri-Bhoi ka ban sa jam ia u mawmer ba 32 snem ka jingioh district, ngi pyntip ba ka roi ka par ha jan baroh ki liang ngi dang hiar arsut kaba la pynlong wat ia ka Sorkar Kmie ban ai jingithuh kum ka Aspiration District” kala ong bad bynrap “ Ngi kyrpad ban phaikhmat lem da kaba mang lem ia ki stadium bad madan artificial turf”.
Ka RBYWO kala pynpaw ia ka jingsngewsarong ban ong “Watla ngim don madan ialehkai bap aka hynrei ki khun samla ka dong jong ngi, kila wanrah ka nam ba-ar ha ka Meghalaya Games 2024. Kane kala nang ai mynsiem ia kiwei pat ki samla ban phaikhmat sha ki kam ialehkai bad ban kiar na ki jingmlien kiba sniew khamtam eh ban lait na u droks”.
 kala dawa ia ka Sorkar Jylla ban phaikhmat lem sha Ri-Bhoi District ha kaban kyntiew ia ki kam ialehkai da kaba wanrah ia ki Stadium bad ka madan Artificial Turf.){kind=link}