Shillong, Iaiong 22 : U Commissioner & Secretary ba khmih ia ka Tnad Planning Development Dr Vijay Kumar D, ula batai bniah ia ka rukom treikam bala pynbeit ryntih jong ka Jylla na ka bynta ka Sustainable Development Goal (SDG) ne ka thong jong ka roi ka par ba iai neh, ha ka high level workshop ba long ha State Convention Centre.
“Ngi la pynkha ia ki SDG Cell ha baroh ki District, thung ia ki District Research Fellow, bad shna ia ka Grassroot data network lyngba ka Village Date Volunteers” ong u Dr Kumar haba ai jingkren ha kane ka workshop.
Ula bynrap ba ka Jylla kala nang pynheh ia ka CM Catalytic Fund ban pynbha ia ki jingmih n aka SDG, ha kaba man ki district kin ioh mynta ia ka grant kaba kot haduh T.1.5 klur na ka bynta ki kam bala buh ban leh.
Haba iai ban ia ka thong jong ka Sorkar, u Dr Kumar ula ong “Ka thong jong ka Jylla ka long ban wan ha ka kyrdan top 10 hapoh ka Ri ha ka SDG hapoh u 2030 bad ha ka per capita income hashuwa u 2032”.
Ia kane ka workshop la pynlong da ka Tnad Planning, Investment Promotion & Sustainable Development, ha ryngkat ka jingiatreilang bad ka Indo-German Green and Sustainable Partnership (GSDP-GIZ), kaba pynleit jingmut ha ka jingsynshar bala pyniaid kat kum ki jingkhein bad ka jingwanlang lang hajuh ia ki jingshakri ha ki District.
Haba ai jingkren, u Secretary (PIP &SD) R Nainamalai ula pyniasnoh ia ka jingiaid ka SDG bad ka ‘Viskit Meghalaya” Vission, kaba buh thong ban kynjoh ia ka ioh ka kot ba $10 billion hapoh u 2028 bad $100 billion hapoh u 2047.
“Ka Meghalaya ka dei kawei na ki katto katne ki Jylla kaba pyntreikam ia ka mang tyngka kaba don jingiadei bad ka SDG ha kaban pynthikna ia ka jingmih na ka roi ka par kiba lah ban shim jingkhein” ula pynpaw.
U Nainamalai ula ong ba ka Meghalaya kala iai bteng ban pynneh ia ka kyrdan “jinglah treikam bha” ha ka NITI Aayog SDG Index, kaba wan shakhmat ha ka liang ka um kaba khuid, ka jingpynduna ia ka jingbym iaryngkat kyrdan bad kaba shimkhia halor ka jinglong ka suinbneng.
Ka East Khasi Hills kala ioh ia ka jingithuh kum ka District ba wan shakhmat eh ha ka jinglah treikam, kaba pyni ia ka jingtreikam bha ka jingtynrong lem ia ka bor ban plan ha ki bor district.
 ne ka thong jong ka roi ka par ba iai neh, ha ka high level workshop ba long ha State Convention Centre.){kind=link}