Shillong, Rymphang 15 : Ki Khlieh Nongsynshar Shnong ka Ri-Bhoi District ha ka sngi Balang kila phah tuklar lem ha ka Sorkar Jylla lygba ki kyndon ba kyrpang ban pynrung lang noh iaki phra tylli ki shnong hapoh ka Pradhan Mantri Awas Yojana (PMAY)scheme.
Ka Synjuk ki Phra Shnong (SKPS) kala aiti da ka dorkhas ha u Myntri ka Tnad Community & Rural Development AT Mondal ba pynpaw ba ka donkamkyrkieh ban thaw ia ki kyndon kyrpang ha kaban pynrung lang noh ia ki phra shnong hapoh ka PMAY scheme.
Kine ki phra tylli ki shnong ki kynthupia ka Umskun, Umshangling Umrangksai, Umlyngkdait, Lumbyrhing, Pahamrioh-Lum, Pahamrioh-Them, bad Shangbangla.
Haba pynksan ia ka jingdawa, ka synjuk kala kdew ba kine ki shnong ki dei kiba don mynshuwa hapoh ka jingkhmih jong ka Nongpoh Town Committee (Urban) hynei la weng noh ia ki lyngba ka notification ba 17 tarik Naiwieng 2020 bad mynta la ithuh noh ia ki kum ki jaka nongkyndong ia kaba ki dei hok ban ioh ia ki jingmyntoi na ka PMAY scheme.
Ka Synjuk ka ong ba ka jingthaw ia ka kyndon kyrpang ban pynrung lang noh ia kine ki shnong ha ka PMAY scheme ka dei kaba kongsan bha na ka bynta ka roi ka par bad ka bha ka miat jong ki nongshongshnong.
 kala aiti da ka dorkhas ha u Myntri ka Tnad Community & Rural Development AT Mondal ba pynpaw ba ka donkamkyrkieh ban thaw ia ki kyndon kyrpang ha kaban pynrung lang noh ia ki phra shnong hapoh ka PMAY scheme.){kind=link}