Shillong, Jylliew 07: Ka Jaintia Students’ Union (JSU), Jowai Circle ka la phah tuklar ha u District School Education Officer (DSEO) halor ki jingeh ba don hapoh ka Kiang Nangbah Government College (Higher Secondary).
Ha ka Dorkhas ka JSU, kala kdew ïa ki jingduna ki jingtei (Infrastructure) namar ka jingduna ki kamra klas, ki kor Computer bala rim, ka jingbym don ki Smart Learning, bad ka library kaba duna ki kor kiba khanglad ïa ka jingïoh ïa ki tiar pule.
Ka JSU ka la ong ruh ba ka don ka jingduna ki nonghikai kaba la pynkhia shuh shuh iaki kam.
“Iaka Morning Section la pyntreikam tang da iwei nonghikai na ka bynta 350 ngut ki khynnah skul, kaba pynlong ia ka jingkit kaba khia ha ka pule puthi bad pynduna ia ka jinglong jingman jong ka jinghikai. Nalor kata, ki nonghikai Subject ki hap ban hikai ruh iaki khynnah Arts, Science bad Commerce namar ka jingduna ki nonghikai” kala ong.
Ka JSU kala pynpaw ba kawei pat ka jingeh ka long ba ka skul ka lah ban pdiang kumba 520 ngut ki khynnah skul ha ka bynta Day Section kynthup Arts 350, Science 120 bad Commerce 50 hynrei ka duna pat ka jaka ban pynlong klas.
kaba biang—kaba pynbor saw tylli ki kamra rit na ka bynta ka Science bad ar tylli ki kamra rit na ka bynta ka Commerce, kaba pynsniew ia ka jinglong jingman ha ka jingpule.
Ha kaba iadei bad ka jingbym shai ka jinglong trai iaka jaka ba don ka skul, ka JSU ka la ong ba ka jingbym lah ban iapynbeit hapdeng ki bor pyniaid B.Ed bad ki bor Higher Secondary, ka wanrah ia ka jingkulmar ha ka synshar khadar bad ka khanglad ia ki jingpyrshang ban pynroi.
Ka JSU kala kynnoh ruh ba ka tulop jong ki Assistant Lecturers ka dang long kaba khlem ryntih namar ka jingpyniabynta bakla hapoh ka BEAM, kaba khanglad ia ka jingpynkiew tulop kaba biang bad ka jingpynbiang ia ka kam.
Ka Ophis DSEO ka la pynthikna ban rah ia kine ki jingeh sha ki bor ba dei peit ban leh kyrkieh, ban buh hakhmat eh ia ka jingpynrung kam ia ki nonghikai, ban pynbeit ia ka mang tyngka, ban pynbha ia ki jingtei (Infrastructure), bad ban weng ia ka jingeh jong ka jinglong trai jaka.
“Ka seng ka pdiang sngewbha ia ka jingpynthikna hynrei ka khot ban leh kyrkieh, da kaba pynksan ba ka jinglong jingman jong ka jingpule ka shah ktah namar ka jingduna ki nonghikai bad ka jingbun palat ki khynnah skul. Ki khynnah skul ki mad ia ka jingduna ka por shah hikai bad khlem ka jingiarap kyrkieh, ka kyrdan pule kan dang iai bteng ban hiar,” ka JSU kan buddien khnang ban bha ki skul” kala ong.
