Shillong, Rymphang 11: Ka Meghalaya Human Rights Commission (MHRC) kala hukum ia ka tnad ka koit ka khiah ba kan siew T.5 Lak kum bai lutksan sha ki bahaiing jong u heprit (L) Walangki Dkhar uba la khlad noh ha Civil Hospital Shillong.
Ka Secretary, jong ka Meghalaya Human Rights Commission (MHRC) kala pyntip ba ka Commission, kala pynmih ia ka hukum ha ka 6 tarik u Nohprah 2024 bad bthah ban siew ia ka bai lutksan sha ki bahaiing jong u Wanlangki Dkhar, u heprit uba don hapdeng ka jingiatakhuh bad ka ain̈, uba khlad ha Civil Hospital, Shillong ha ka 9 tarik u Lber 2020.
La bthah ba dei ban siew haduh T. 5,00,000 bad ia kane dei ban siew da ka tnad ka koit ka khiah jong ka Sorkar Meghalaya.
Ka Director of Health Services (MI) lyngba ka shithi ha ka 8 tarik u Rymphang 2025 kala pyntip sha ka Commission ba ia katei ka bai lutksan la dep ban aiti da ka cheque sha ka Kong Modly Dkhar, kaba dei ka kmie jongu Wanlangki ha ka jing iadonlang ki heh ophisar ka tnad ka koit ka khiah bad ki heh ophisar jongka MHRC.
 kala hukum ia ka tnad ka koit ka khiah ba kan siew T.5 Lak kum bai lutksan sha ki bahaiing jong u heprit (L) Walangki Dkhar uba la khlad noh ha Civil Hospital Shillong.){kind=link}