Nongstoiñ, Nailur 21: U Deputy Commissioner ka West Khasi Hills u la pyntip sha baroh ki trai thup dewiong (Coal Stocks) ka District, kiba don kyrteng ha ka inventory list ba la dep ban wan thew bïang (Reassessed) ha u snem 2018, ba kan don ka jingpynshisha ïa ka jingdon u dewiong jong ki da ka Joint Inspection Team.
Ha kaba ïadei bad kane la kyrpad ïa ki trai thup dewiong katkum ka inventory list ba kin ïa don ryngkat bad ka Joint Inspection Team katkum kine ki tarik bad jaka bala kdew kata Maweit 21 tarik haduh ka 25 tarik Nailur 2022 bad Shallang 26 tarik haduh ka 30 tarik Nailur 2022. Na ka bynta ka jingïapynbeit ïa ka jingïakynduh, ki lah ban phone ha u bah Evanmi Lyngdoh, MCS, EAC West Khasi Hills District, Nongstoiñ ha u number phone 7005252778.
