Shillong, Lber 3: Ki Pulit ka West Jaiñtia Hills hynne ka sngi kila pynmih ia ka jingpynbna pyrshah ia u Lambun Sungoh 52 snem ka rta, uba na ka shnong Khliehrangnah, uba la phet rieh na ka jingshah pynngat ha ka Special POCSO Case.
Ha ka kyrwoh khubor, u Superintendent of Police u Jagpal Singh Dhanao ula ong, ba kane ka jingpynbna kadei ka jingbud ryntih ia ka hukum kaba la pynmih ha ka 17 tarik u Rymphang da ka Special Judge (POCSO), Jowai, ia kaba la bthah ia u Lambun Sungoh u kurim jongka Kong Philibon Sutnga, ba udei ban wan mih hakhmat ka iingkashari ban ai jubab halor ki jingshah kynnoh.
“Une uba la shah kynnoh ym shim la wan mih hapoh ka iingkashari” la pynpaw ha ka kyrwoh.
Ki pulit kila kyrpad ia ki paitbah ba kin pyntip sha ka thanad pulit kaba jan ne ban phone ha ka PCR Jowai 9774065467.
Ka hukum kala bthah ba dei ban ai ia ka jingpyntip sha ki paitbah khnang ba une uba shah kynnoh leh kam sniew yn ioh ia ka jingtip bad la bthah ba un wan ban aiti noh ialade.
