Shillong, Rymphang 12: Ka Khasi Student Union (KSU) War Jaintia circle hynne ka sngi Nyngkong, kala dawa ia ka Sorkar Jylla ba kan tuklar mardor ia ka jingleh donbor jong ki shipai BSF kiba la phah law jain lyngkhuid bad byrngem siat iap ia u Doktor ka Veterinary ha Amlarem.
Ka KSU War Jaintia kala buh ia kane ka jingdawa lyngba ka shithi bala phah sha u Symbud Myntri Rangbah ka Jylla Bah Prestone Tynsong bad u Deputy Commissioner ka West Jaintia Hills lyngba u Sub Divisional Officer (SDO) ka Amlarem Sub Division.
Kane ka jingjia kala jia hynnin ka sngi U Blei ha ka por 12:05 baje mynsngi katba une u doktor ka tnad Animal Husbandry & Veterinary Dr Seiboklang Buam, u dang leit khwai ha ka wah ba marjan ka Shnong. Une u doktor ula shah bat ha ki BSF bad shah phah law lyngkhuid ki jain nalor ka jingshah byrngem siat iap ha kine ki BSF.
Ia kane ka kam la lap da ki longkmie ka thain, kiba la leit ban tuklar bad pyllait ia une u doktor na ka kti ki BSF.
Ka KSU kala pyntip ba kane kam dei shuh ka sien kaba nyngkong ba ki shipai BSF kila leh donbor bad pynibor ia ki paidbah ka thain hynrei ka dei ka kam kaba ju jia na ka por sha ka por.
Ka KSU kala rai ruh ban ai da ka jingthoh sha u Chairperson ka State Human Rights Commission bad sha u BSF 2nd in Command ban tuklar bad pynshitom iaki shipai BSF kiba donkti ban leh donbor ia u Dr. Seibok Buam.
 KSU War Jaintia circle hynne ka sngi Nyngkong, kala dawa ia ka Sorkar Jylla ba kan tuklar mardor ia ka jingleh donbor jong ki shipai BSF kiba la phah law jain lyngkhuid bad byrngem siat iap ia u Doktor ka Veterinary ha Amlarem.){kind=link}