Shillong, Naiwieng 22: Ka Meghalaya Boxing Association (MBA) kala jied ia 9 ngut ki nongiakura kiba tbit, kiban iashimbynta ha ka 7th Elite Men’s National Boxing Championship, kaban sdang ha ka 25 tarik u Naiwieng.
Ha katei ka lympung iakob yn wan ban iashimbynta da palat 350 ngut ki nongiakura ha ki 13 tylli ki kyrdan kaban long ha SAI Indoor Stadium naduh ka 25 tarik haduh ka 1 tarik u Nohprah.
Ia katei ka jingiakob kura la pynlong da ka MBA bad ka Boxing Federation of India (BFI) ia kaba la bei tyngka da ka tnad Sports & Youth Affairs, jong ka jylla Meghalaya.
Ki nongiakura kiba mihkhmat iaka Meghalaya ki kynthup ia u Sanjeev Maskut (46-48kg), Banjop Nongkhlaw (51-54kg), Melvin Marbaniang (54-57kg), Kordor Marwein (57-60kg), Badonkupar Synnah (60-63.5kg), Bhalang Shadap (63.5-67kg), Balnas Sangma (67-71kg) bad Justerwell Jyrwa (71-75kg).
Ki Coach jong ka Meghalaya ki kynthup ia u Pynskhem L Nonglait, Wilfred Kharmawlong bad Noyontho Marak.
Kitei ki nongiakura ka jylla Meghalaya kidei kiba la ioh rah ia ka nam jop ha ki lympung iakob kiba la long hapoh ka jylla bad shabar ka jylla bad mynta kin pynkhreh ban airing pyrshah ia ki nongiakura kiba pawkhmat ha ka ri khamtam bad kito ki nongiakura kiba la mihkhmat ia ka ri India bad kiba la jop bad ioh ia ki takma ha ka National Games, Asian Games bad Commonwealth Games.
Ki katto katne ki nongiakura kiba pawnam kiba la khmih lynti ba kin wan iashimbynta ha ka lympung iakob ki kynthup ia u Shiva Thapa uba la mihkhmat arsien ha ka Olympic bad uba la khur takma 6 sien ha ka Asian Championship, u Amit Panghal uba long u lahduh ha ka 2018 Asian Games bad u Rohit Tokas uba la ioh iaka Takma Rnong ha ka Commonwealth Games 2022 bad kiwei kiwei.
Katab ka BFI ka dang pynkhreh ban pynlong ia ka National Camp ha u bnai ban wan kum ka jingpynkhreh iaka 2024 Paris Olympics, kumta kane ka lympung iakob ka long kaba kongsan bha ia ki nongiakura hapoh ka ri.
Ka long ruh ka burom ia ka jylla Meghalaya ban pynlong ia katei ka lympung iakob ha kaba ka MBA kala trei shitom bad ka tnad Sports & Youth Affairs ban pynthikna ba kane ka lympung iakob kan long kaba iaid beit iaid ryntih.
 kala jied ia 9 ngut ki nongiakura kiba tbit, kiban iashimbynta ha ka 7th Elite Men’s National Boxing Championship, kaban sdang ha ka 25 tarik u Naiwieng.){kind=link}