Shillong, Lber 03 : Ka Khasi Students’ Union (KSU) Jowai Circle, ha ka sngi Ba-ar, kala phah ia ka National Highway Authority of India (NHAI) ba kan pyndam bad pynbeit ia ka jingbakla spel dak ia ka shnong Khliehriat na ka signboard ha Soomer, Lad Bypass ha West Jaintia Hills.
Kat kum ka signboard, ka NHAI kala spel dak “Khaleriat” ha ka jaka jong ka Khliehriat.
Ka KSU kala dawa ba ka NHAI kan weng noh ia kane ka signboard bad ban pynieng thymmai da kaba thoh beit ia ka kyrteng “Khliehriat” hapoh ka shibnai.
Ha ka kyrwoh, ka KSU hapoh ka jingialam u President Ewanmi Phawa bad ki Dkhot, kala leit ban pyndam ia kane ka signboard haba pynpaw ba kane ka jingleh bakla kan wanrah ia ka jingduh burom ka shnong Khliehriat.
“Kane ka jingspel dak bakla ia ka Khliehriat kam dei satia kaba jia ha ka sien nyngkong hynrei ka dei kaba la jia teng, wat kawei ka Bank kala thoh khnang da ka spelling jong ka kum ka jingpyrshang ban pynkylla kyrteng ia ki shnong ba don ha ri-lum Khasi Jaintia” kala ong.
Kane ka jingleit pyndam kala wan jia hadien ka jingioh pdiang ia ki jingujor na ki nongshongshnong.
Ka KSU kala air uh ia ka shithi sha ka NHAI ba dawa ban buh ia ia signboard ba thymmai kaba la punbeit ia ka jingspel dak nalor ban pynbeit ia ki kot ki sla bad ki digital platform kiba don ka jingbakla.
Ka KSU kala maham ruh ia ki dukan, ki Ophis bad kiwei kiwei ba ki dei ban thoh kyrteng ia ki shnong da kaba spel dak kaba beit, haba pynpaw ba lada shem ia kino kinoa kiba dang leh bakla, kin mad ia ka jingpynshitom kat kum ki kyndon ain.
 Jowai Circle, ha ka sngi Ba-ar, kala phah ia ka National Highway Authority of India (NHAI) ba kan pyndam bad pynbeit ia ka jingbakla spel dak ia ka shnong Khliehriat na ka signboard ha Soomer, Lad Bypass ha West Jaintia Hills.){kind=link}