Shillong, Jan 19: U Chief Electoral Officer (CEO) Bah FR Kharkongor ha ka sngi Balang ula ong, kin peitngor bha ia kito ki briew kiba ju donkti ha kaban pynklumar shnong bad kiba don dak sniew hashwa ban pynlong iaka elekshon MLA ha ka 27 tarik u Rymphang.
U Bah Kharkongor ula ong, ba kila dep ban lum thup iaka kyrteng jong ki nongpynklumar shnong hynrei ym pat pat ban ai kino kino ka jingtip halor katei ka bynta.
“Kine ki nongpynklumar shnong bad kiba la don iaki reckod sniew la dep ban ithuh lut naduh na ki shnong. Kin shah pynngat ha ka Section 107, lada ki sdang lehthamula ne leh kano kano ka kam ban pyndik ia ki nongthep vote” ong u CEO.
Ula ong katei ka kam kadei kaba dang iaid shakhmat bad yn peitngor bha ia kitei ki briew.
