-->

Pdiang ka Supreme Court ban bishar biang ia ka hukum khangdam ia ka CMJ University

Date:

Share post:

Shillong, Nailar 04 : Ka Iingkashari Supreme Court kala buh ban shong bishar biang ia ka mudui ban bishar thymmai (review petition) bala buh da ka CMJ Foundation, kaba tynjuh pyrshah ia ka hukum ka Iingkashari ba 13 tarik Rymphang, 2025, kaba pynksan ia ka rai ban khangdam ia ka CMJ University da ka Jylla Meghalaya.

Ia kane ka review petition bala buh da ka CMJ Foundation bad kiwei, pyrshah ia ka Sorkar Meghalaya bad kiwei kiwei, yn sa shong bishar da ka Kashari ba kynthup ia u Justice Pamidighantam Sri Narasimha bad u Sandeep Mehta.

Ka Iingkashari Supreme Court ha ka hukum ba 13 tarik Rymphang, kala pynskhem ia ka rai jong ka Sorkar Meghalaya ban pynduh pyndam noh ia ka CMJ University, da kaba kdew ia ka daw ba kam shym la iaid kat kum ki kyndon treikam bala buh bad ka jingpyniaid bakla ia ka University.

Ka Iingkashari kala pynbna ruh ba ka jingthung ia u Chancellor ka dei ka bym shong nongrim namar ka jingbym don ka jingai jingmynjur da u Visitor.

Ka hukum ban pynduh pyndam ka dei kaba la pynksan namar kala iaid kat kum ki kyndon ba donkam bala kdew hapoh ka kyndon 48 jong ka CMJ University Act, 2009.

Ka Iingkashari kala shem ia bun ki jingleh bym hok kiba ktah jur bad ka jingpyniaid bakla ia ki kam ki jam jong ka University.

Share post:

-->
spot_img

Popular

More like this
Related

COL CK Nayudu Trophy | Khyllem ki wicket ka J&K ha u Kevin bad Manish

Shillong, Risaw 27: Ki shi jur ki nongkwang bol...

Ranji Trophy | Kamai u Arpit da ka double century ia ka Meghalaya pyrshah ia ka Sikkim

Shillong, Risaw 27: U Arpit Bhatewara, u la lah...