Shillong, Nailur 11 : Ka Kynhun Myntri kala pdiang ia ka kaiphod jong ka Independent Inquiry Committee, kaba la thung ban tohkit ia ki jingkynnoh ba iadei bad ka jingthied tiar, ka Aggregate Technical & Commercial (AT&C) loses, bad ka rukom thungkam ka Meghalaya Energy Corporation Limited (MeECL) lem bad ki lai tylli ki shnat jong ka.
Ka kaiphod jong ka Inquiry Committee kala ai ia katto katne ki jingai jingmut ban pynjanai ia ka jingtreikam jong ka MeECL bad ki shnat treikam jong ka.
“Hadien ba iohpdiang ia ka kaiphod, ka Kynhun Myntri kala bthah ia ka Tnad Bording ban pynthikna ba la shim ia baroh ki sienjam ban pyntreikam ia ki jingai jingmut bapher bapher bala ai da ka Inquiry Committee” ong u Myntri Rangbah Conrad K Sangma ha ki Nongthoh khubor hadien ba kut ka jingialang Kynhun Myntri ha ka sngi Palei.
U Conrad ula pynthikna ba ia ka kaiphod jong ka Inquiry Committee yn sa pynlong paidbah da kaba buh ha ka website jong ka Sorkar ha kine ki khyndiat sngi ban wan, ka ban ailad ia ki nongshongshnong ban iohi ia ki jing shem bad ki jingai jingmut.
 loses, bad ka rukom thungkam ka Meghalaya Energy Corporation Limited (MeECL) lem bad ki lai tylli ki shnat jong ka.){kind=link}