Shillong, Naiwieng 14 : U President ka Meghalaya BJP Rikman G Momin ha ka sngi Thohdieng, ula pynpaw ia ka jingbym sngew eiei halor ka jingthmu ban pynkha ia ka Regional Front, da kaba ong ba kano kano ka jingthaw kynhun haba kut hi kan kut ha ka jingiatreilang bad ka National Democratic Alliance (NDA) bad kam don kano kano ka jingpyrshah ia ki jingthmu jong ka BJP.
Haba kren sha ki nongthoh khubor, u Rikman ula ong “Lada dei mano mano ruh kiba thaw ia ka, ki dei shibynta jong ka NDA, kumta kam don jingpher satia. Ki kwah ia ka sur na ka bynta ka thain Shatei Lam Mihngi kum ka Regional Front-ai ba kin leh ia kata, hynrei ki don lang bad ngi (BJP).
Ula kynthoh ia kane halor ka jingkren ba dang shen jong u Myntri Rangbah Conrad K Sangma, uba la pynthikna ia ka jingkyrshan jong u ia ka NDA bad bynrap “Khlem pep kane ka sienjam kan ai jingmyntoi ia ka BJP. Haba ka BJP ka iatreilang bad ki Seng Riewlum ba biang, kan pynmyntoi ia ka BJP-kala pynshisha ia kane ha Bihar”.
 bad kam don kano kano ka jingpyrshah ia ki jingthmu jong ka BJP.){kind=link}