Pat sei pyrthei ka BJP ia ka kaiphod ka FFC halor ka kam tih dewiong beain

Shillong, Risaw 08: Wat hadien ka jingiohpdiang ia ka kaiphod na ka Fact Finding Committee halor ka jingkynnoh tih dew iong beain ha Meghalaya, ka Bharatiya Janata Party (BJP), Meghalaya kan dang ban sei paidbah ia ki jingshen ka Committee.

U President ka BJP-Meghalaya Rikman G Momin ula pynbna ha ka 22 tarik Jymmang ba ka party kala ioh pdiang ia ka kai phod na ka Commitee bad kular ba kan sa sei pyrthei ha ka por kaba dei.

Ka Committee, kaba la thaw ha ka 11 tarik Rymphang, la bynshet ba kan tohkit ia kane ka jingkynnoh. La ialam ia kane ka Committee da u Convernor Bernard R Marak bad u Secretary Bah Mariahom Kharkrang nalor ki 8 ngut ki dkhot.

Hynrei, haba kylli halor kaei kaba long ba man ia kane ka kaiphod ha ka jingiakynduh bad ki lad pathai khubor ha ka sngi Balang, u bah Kharkrang, uba dei ruh u Nongaiktien ka BJP, ula khynniat ia kane ka kam sha u Chairman ka Committee Bernard N Marak da kaba ong “Phi hap ban kylli na u Chairman….u dei ma u, uban lah batai”.

U Bah Kharkrang ula bynrap ba kum u dkhot, um don satia ha ka bor ban kynthoh tam ia kane.