Shillong, Naitung 21: Ka Hill State People’s Democratic Party (HSPDP) kam pat lah ban shim rai haba iadei bad ka jingsei kyrtong ban pyniakhun ia ka ilekshon MP Lok Sabha 2024.
“Ngim pat lah ban shim rai, la ngi iakhun ne em iaka ilekshon MP Lok Sabha” la ong u president ka HSPDP u bah K.P Pangniang.
U bah Pangniang ula iathuh ba naka liang ka Party kan iakren ia kane bad ka United Democratic Party (UDP) ka ba don lang bad ka kynhun Regional Democratic Alliance (RDA).
Haba kylli u bah Pangniang ula ong “Ngim pat lah ban shim rai, ap ngin sa iapeit la ka HSPDP kan pynieng kyrtong ne kan kyrshan ia u kyrtong monlang jong ka RDA kumba ngi ju leh ha ki ilekshon bala dep. Haduh mynta ngim pat shim ia kano kano ka rai” ula ong.
U president ka HSPDP ula iathuh ba kila don kiba wan pan ticket naka Party “hynrei namar ba ka Party kam pat shim iaka rai ban pynieng kyrtong ne kyrshan ia u kyrtong monlang jong ka RDA, ka dang kloi palat ban iakren”.
Haba iadei bad ka jingpynkhreh iaka ilekshon MDA 2024, u bah Pangniang ula ong “Ka jingialang mynta ka sngi kam dei halor kata, ngin sa iakren halor kane ruh”.
Pule ruh: Sdang ka lympung ialehkai Meghalaya State Chess Championship ha Umsning
 kam pat lah ban shim rai haba iadei bad ka jingsei kyrtong ban pyniakhun ia ka ilekshon MP Lok Sabha 2024.){kind=link}