Shillong, Risaw 04 : U Myntri Rangbah ka Jylla Conrad K Sangma ula pynpaw ba u pangnud ban tip ba haduh 23 ngut ki shipai ka Ri kila jah rngai na ka jingpoi umsaw kynsan kynsan ka wah Teesta na ka jingther u lapbah lapsan ha Sikkim.
Ula pyntip ruh ba ula pyndem ha ki jingduwai na ka bynta ka jingshna bad ka bha ka miat jong ki Nongshongshnong ka Jylla.
Haba thoh ha X, u Conrad ula ong “Pangnud ban tip ba haduh 23 ngut ki shipai la pyntip ba kila jah rngai hadien ka jing ther kynsan u lapbah lapsan bad ka jingpoi umsaw ha Sikkim. Nga duwai na ka bynta ka jingshngain bad ka bha ka miat jong ki Nongshongshnong”.
Ka jingther u lapbah lapsan bad ka jingshlei um ha Sikkim kala pynjulor ia bun tylli ki jingtei bad ktah ia ka jingim ba manla ka sngi ha ki shnong kiba iaid lynti ka wah Teesta.
Ka Sorkar kala iatreilang bad ki shipai bad ki kynhun ai jingiarap ban lap bad iarap ia ki shipai ba jah haba air uh ia ki jingkyrshan ba donkam ia ki briew kiba shah ktah.
Ki Nongshongshnong ha ki katto katne ki jaka, la bthah ba kin kynriah noh sha ki jaka ba long lum ban pynthikna ia ka jingshngain ialade.
