Ka jingker sainar kan pynthikna ia ka jingshngain ka Jylla bad ka Ri
Shillong, Jymmang 02 : U Inspector General (IG) ki shipai Border Security Force (BSF) OP Upadhyay ula kyntu ia ki paidbah ka thain khappud ba kin aiti noh ia ki jaka jong ki ban shna ia ka jingker sainar, kaba dei ka project ba kongsan tam ka Ri ban pynthikna ia ka jingshngain jong ka Jylla bad ka Ri ruh kumjuh.
Une u heh shipai ula pyntip ba ka dang don haduh 42 kilometer ki jaka khappud ha Meghalaya ki bym pat ker sainar bad ka daw ka dei namar ka jingpyrshah u paidbah ki bym shym la aiti satia ia ki jaka.
Haba iakren bad ki nongthoh khubor, une u Heh shipai ula ong “Kala don ka jingiatreilang kaba iajan bad ka Sorkar Jylla lem bad ki Ophisar ka Jylla bad u Myntri Rangbah ka Jylla. Baroh ki don jingsngew khia halor kane ka kam bad ki dang pyrshang katba lah ban leh eiei halor kane. Nga yrmen ba shen yn sa lah ban pynbeit bad weng noh ia kane ka jingeh” ula bynrap.
U IG ula pyntip ba ki Deputy Commissioner jong ki District ki dang don ha ka kam ban leh eiei halor kane bad ma ki ruh kila pyrshang ban pynsngewthuh ia ki nongshongshnong, kiba dei ki trai jaka kiban shah ktah. Ki nongshongshnong ki don katto katne ki jingsngewkhia namar hadien bala ker sainar, kin ym ioh shuh ia ki jaka ba shabar ka jingker.
“Kumta, ka lynti iaid jong nga ka long ba ngi long kiba la khreh ban iarap ia baroh ki paidbah ha khappud, ki paidbah ha khappud kat kaba ki donkam ia ki jingiarap jong ki la ka dei ha ka dur jong ka jingpahara ne iaid pahara, la ka dei ha ka dur ka jingbuh ia ki khyrdop ha ki jingker sainar, ngi long kiba la pynkhreh ia kata” ula ong bad bynrap “Nga kyrpad ruh lyngba ki lad pathai khubpr sha ki paidbah ba ki dei ban iatreilang bad ban long ba kloi ban aiti ia ki jaka sha ki Agency ba pyntrei ia ki project ker sainar-kaba dei ka project ba kongsan tam ka Ri” ula png.
Ha kawei ka liang, u IG ula kam ba kat kum ki jingkhein jingdiah, ka jingkhaii tuh kala kham duna bad kala sdang ban hiar bha.
“Ha ki snem bala leit khamtam ha ka por elekshon, ki don shibun ki jingsngewkhia halor ka jingkhaii tuh hynrei ia mynta, kane kala hiar bha namar ka jingpeit ngor bha jong ki BSG, ka jingiatreilang bad ki Pulit ka Jylla bad kiwei kiwei ki Agency” ula ong.
 ki shipai Border Security Force (BSF) OP Upadhyay ula kyntu ia ki paidbah ka thain khappud ba kin aiti noh ia ki jaka jong ki ban shna ia ka jingker sainar, kaba dei ka project ba kongsan tam ka Ri ban pynthikna ia ka jingshngain jong ka Jylla bad ka Ri ruh kumjuh.){kind=link}