Shillong, Jymmang 08 : U Myntri Rangbah ka Jylla Conrad K Sangma, hynne ka sngi Nyngkong, ula pan ia ka kaiphod ba pura halor ka jingsiat iap ki shipai BSF ia uwei u Rangbah ha ka miet sngi Thohdieng hapoh ka shnong Mawshun, Pynrusla.
Haba iakren bad ki Nongthoh khubor, ula pyntip ba ula bthah ia u Investigation Officer (IO) ban wad ia ka jingshisha bad ban aiti ia ka kaiphod ba pura halor kane ka jingjia.
“Khlem da ioh ia ka kaiphod ba bniah bad ka kaiphod ba thikna, kam long satia kaba iahap ia nga ban kynthoh halor kane ka jingjia” ong u Conrad.
Lah ban kdew, ki shipai BSF kila siat iap ia uwei u Nongniah trok Bah Roning Nongkynrih ha ka miet sngi Thohdieng halor ka jingsuba ba u dei u nong khaii masi beain. Une u Rangbah ula iap hashen na ka jingshei kii kuli na ki bynta jong ka khlieh bad ka ryndang.
Ka Shnong Mawshun ka dei kaba jngai kumba 17 Km na khappud ka India-Bangladesh.
