Shillong, Jymmang 29 : Ka Hills State People’s Democratic Party (HSPDP) ka la pyntip ba ka dang shong pyrkhat halor ka nongrim jong ka halor ka elekshon MP Lok Sabha bad kan sa pynbna ia ka rai ha ka taiew ban wan.
Haba kren sha ki lad pathai khubor u General Secretary ka HSPDP Bah P Ryntathiang u la ong ba ka Party ka la iakren bunsien bad ka United Democratic Party (UDP) halor kane ka kam hynrei kam pat lah satia ban shim iaka rai.
“Ngi la iakynduh bunsien bad ka UDP , hynrei ngim pat lah ban shim iaka rai ba khatduh, ngi dei shibynta jong ka RDA, khlem artatien, hynrei ia mynta ngi sngew ba kan bha ba ngin bishar bniah shwa ha kaba ia dei bad ka elekshon MP” u la ong.
U Bah Ryntathiang u la kyntait ban pynthikna, la ka HSPDP kan kyrshan ne em ia u kyrtong monlang jong ka RDA.
“Kumba ka long mynta ngam pat lah ban iathuh, ka jingiakren ka dang iaid hapoh ka party, nga tharai haduh ka taiew ban wan ngin sa pynshai bniah halor kane ka kam”, u la ong.
“Kumba ka long mynta ngam pat lah ban ong la ngin kyrshan ne em, ngin sa pynshai ha ka taiew ban wan la ngin kyrshan ne em”, u la bynrap.
Ka UDP ka la pynbna ia ka kyrteng jong u nongiasaid ain ba Rangbah u Bah Vivanstone G Kharngapkynta kum u kyrtong jong ka ha kane ka ilekshon MP Shillong Lok Sabha ka ban sa long shen.
 ka la pyntip ba ka dang shong pyrkhat halor ka nongrim jong ka halor ka elekshon MP Lok Sabha bad kan sa pynbna ia ka rai ha ka taiew ban wan.){kind=link}