Shillong, Naiwieng 14 : Ka Airport Authority of India(AAI) kala pan por ban ioh ia ka pre feasibility study report ( ka jingwad bniah ia ka jingiahap ka jaka) bala pynlong ha ka jaka ba thymmai bala tyrwa da ka Sorkar Jylla ba pyntreikam ia ka Greenfield Airport Project.
Haba shongbishar ia ka PIL hynne ka sngi nyngkong, ka Division Bench jong ka Iingkashari Meghalaya High Court kala rai ban pynkynriah ia ka jingshong bishar ia kane ka mukotdum haduh u bnai Kyllalyngkot jong u snem ban wan.
“Namar ka AAI kala ong ba ka donkam sa 4 taiew eiei ban ioh ia ka jingwad bniah bala pynlong ha ka jaka thymmai bala tyrwa da ka Sorkar na ka bynta ka Greenfield Airport Prokect, ai ba kane ka kam kan wan biang sha ka jingbishar hadien ka shuti ha u Kyllalyngkot 2023” ong ka Iingkashari.
Kala bthah ruh ba ia kane ka kaiphod dei ban sam sha ka Sorkar Jylla bad sha u Amicus Curiae P Yobin, shitaiew shuwa ba kane kan don biang ka jingbishar ia kane ka mukotduma ha ka 30 tarik Kyllalyngkot.
Ha kajuh ka por, ka Sorkar Jylla kala pynthikna ba kala dep ban shon dur lyngba ki drone ia kane ka jaka.
