Shillong, Jylliew 03 : Ka Harijan Panchayat Committee (HPC) kala pan por arbnai na ka Sorkar ba kan thung ia u President ba thymmai, ha kaban pyntyllun shakhmat ia ka jingiakren bad ka Sorkar Jylla ban pynkynriah ia ki 342 tylli ki Longiing na Them Metor, Them Iew Mawlong.
Kane kala mih tang 4 sngi hashuwa ka jingialang ba kongsan eh bala buh ban pynlong hapdeng ka Sorkar Jylla bad ka HPC ban shim ia ka rai ba khatduh halor kane ka kam.
Ha ka shithi bala phah sha u Symbud Myntri Rangbah ka Jylla ba khmih ia ka Tnad kam Pohiing (Pulit) Bah Prestone Tynsong myn haka 31 tarik Jymmang, u Secretary ka HPC Gurjit Singh ula ong “Nga la thoh ban kyrpad pynkynriah shuwa ia ka jingialang bala buh ban long ha ka 7 tarik Jylliew, haba iadei bad ka jingshong shnong jong ngi ha Harijan Colony, Bara Bazaar, Shillong”.
“Kane ka long kum ka jingpyntip ba sngewsuh ba u Rangbah Shnong/President jong ngi Billu Singh ula khlad noh dang shen. Ngi dang iapynbeit mynta bad ki bahaiing hasem jong u ban pyndep ia ka jingleh niam ba khatduh kat kum ka dustur ki Sikh ha ka iingsah jong u ha Shillong bad ruh ha ka Jylla jong u ha Punjab” ula ong.
U Gurjit u ong ba hadien kata, kin sa pyndep pat sa ia ka jingjied ia u Rangbah Shnong thymmai/President ka Harijan Panchayat Committee bad ban register ia ka committee ba thymmai ha ka Ophis jong u Registrar of Society.
“Kane ka kam ka long kaba kongsan bha ia ka synshar khadar ka Jaidbynriew jong ngi bad ka kam shim rai kaba long kat kum ki kyndon ka riti treikam jong ka HPC cum Headmanship. Kan shim por la kumno kumno ruh ar bnai ban pyndep ia kane ka kam ha kaban wad ia u briew uba biang eh ban bujli ia u Billu Singh uba la shakri ia ka seng bad ia ki paid ka Jaidbynriew jong ngi la bun bun snem” ula ong.
 kala pan por arbnai na ka Sorkar ba kan thung ia u President ba thymmai, ha kaban pyntyllun shakhmat ia ka jingiakren bad ka Sorkar Jylla ban pynkynriah ia ki 342 tylli ki Longiing na Them Metor, Them Iew Mawlong.){kind=link}