Shillong, Jylliew 14: Ka Meghalaya Human Rights Commission (MHRC), Shillong, kala bthah ia ka Director General of Police (DGP) ba kan aiti ia ka kaiphod ba bniah halor ka jingkynnoh leh donbor palat liam ki pulit ka Dawki Police Station.
Ka MHRC ka pyntip ba kala shim case halor ka jingujor ba kynnoh pyndonkam bakla palat liam u Officer-in-Charge bad kiwei ki Pulit ka Dawki Police Station pyrshah ia u Bah Solin Suting myn ha ka 1 tarik Jylliew 2024.
Ka jingkynnoh kala mih ba ki Pulit kila kynshu bad pyndait da u ksew ia une u Rangbah hapoh thanad tang namar ba ki suba ba u dei u nong Bangladesh.
Lah ban kdew, ka National Peoples Youth Front (NPYF) kaba dei ka kynhun ki samla ka NPP kaba synshar ia ka Jylla, hynnin ka sngi Palei, kala leit buh ia ka jingujor hakhmat u Symbud Myntri Rangbah ka Jylla ba khmih ia ka kam pohiing (Police) Bah Prestone Tynsong pyrshah ia kane ka jingjia.
Ka NPYF kala dawa ban phah tohkit bad ban pynshitom ia ki Pulit ka Dawki Police Station kiba donkti.
U Symbud Myntri Rangbah Bah Prestone, ula bthah ia u Superintendent of Police ka West Jaintia Hills ba un tohkit bad aiti ia ka kaiphod halor kane ka jingkynnoh.
, Shillong, kala bthah ia ka Director General of Police (DGP) ba kan aiti ia ka kaiphod ba bniah halor ka jingkynnoh leh donbor palat liam ki pulit ka Dawki Police Station.){kind=link}