Shillong, Nailur 27 : Ka Iingkashari Meghalaya High Court kala pan ia ka kaiphod na ka Sorkar ba lano ban sdang pyntrei noh ia ka Phase-I jong ka surok Shillong-Dawki hashuwa ban ai jingbit ban pynkhyllem ia ki dieng.
Ha ka hukum bala pynmih hynne ka sngi Balang, ka Division Bench kala ong “Kumba bthah kham hashuwa, ym dei ban don ka jingpynkhyllem ia kidieng ha Shillong lane ha ki jaka kiba hap hapoh ka Phase-I jong ka surok khlem da pynthikna shuwa lano ba ka jingtrei kan sdang”.
“Ka NHIDCL bad ka Sorkar Jylla ki dei ban ai kaiphod sha ka Iingkasahri ba lano ban sdang pyntrei ia kane ka surok khnang ba kan lah ban ai jingbit ha kaban pynkhyllem ia ki katto katne ki dieng ki bym lah satia ban iaid lait” kala ong.
U Nongmudui Kaustav Paul uba la mihkhmat dalade, ula pyntip ba ka kaiphod bala file na ka bynta ka Sorkar Jylla kam shym la pynpaw shai ba ki kam jongka phase-I jong ka surok Shillong-Dawki ka long kaba la khreh ban pyntrei noh.
