Shillong, Risaw 20 : Ka Iingkashari Meghalaya High Court hynne ka sngi palei, kala pan ia ka kaiphod halor ka jingdon jong ki kali kiba kit palat pud ia ki mar ki mata, kiba hap ban pynhap noh shuwa ban shah iaid ia ki ha kine ki hynriew bnai bala leit noh.
“Kan bha shibun ia ka Jylla ban pynpaw ia ka jingdon ki kali kiba kit palat pud ia ki mar ki kata kiba hap ban pynhap noh shuwa ban shah iaid ia ki bad ia ka case bala pynhap ia ki. Dei ban aiti ia ka jingdon kine ki case naduh ka 1 tarik Iaiong” ong ka Division Bench ha ka hukum bala pynmih halor ka jingbishar ia ka PIL bala mudui da u Tennydard R Marak.
Ka Iingkashari ka ongm namar u nongmudui ula file ia ka affidavit haba pynpaw ia ka jingsngew ia ka kaiphod bala aiti da ka Sorkar bad katto katne ki jingbym biang, khamtam kaba iadei bad ka jingtreikam jong ki katto katne ki weighbridge ha Jylla, ka Sorkar ka dei ban leh eiei ia kane ka kam bad ban pynhun ia ka Iingkashari ba kala don ka system ka ban pynthikna ba ki kali ki kit mar hapoh u pud bala buh.
Ka Iingkashari kala buh ban shong bishar biang ia kane ka mukotduma ha ka 16 tarik u Naiwieng.
