Shillong, Iaiong 17: U Myntri Rangbah ka jylla u Conrad K Sangma hynne ka sngi ula pyntip baka sorkar jylla kala dep ban thoh shaka sorkar pdeng ban phah 10 pyrton ki Pulit Central Armed Police Force (CAPF) ban tehlakam iaki kam beain halor u dewiong.
“Nga la thoh sha ka sorkar pdeng bad mynta ka shong sa ha ka sorkar pdeng ban jubab iaka jingthoh ka sorkar jylla halor kane ka bynta” la ong u Conrad.
Haka hukum bala pynmih haka 12 tarik Iaiong, ka Iingkashari Meghalaya High Court kala bthah ia ka Tnad Kam Pohiing ka sorkar pdeng Union Ministry lyngba u Union Home Secretary, ban pyntikna ha kaban phah ia 10 kyrton ki pulit jong ka Central Armed Police Force (CAPF) ki ban trei laitluid ne ban pyniaid da ki Ophisar Pulit ki ban thung da ka Iingkashari, ka ban long thikna tang na ka bynta ban tehlakam iaka jingtih ne khaii dewiong beain ha Meghalaya.
