Shillong, Nailar 27 : Ka Sorkar Jylla kala pan jingtip na ki paidbah ioh don ki briew na Meghalaya kiba jah lane bym lap dien ha ka jingjia shlei um ha Nepal.
Kat kumka kywroh na u Executive Director ka State Disaster Management Authority, la ong ba ki bahaiing hasem, ki paralok parajor, ki travel agency/tour operator bad ki paidbah kiba don jingtip ia kum kine ki briew ba kin sngewbha ban pyntip sha u Helpline/Emergency Contact Number-6009924512 lane Emergency-112/1070 bad CM Connect-1971.
Lah ban kdew hangne, ka jingpoi umsaw kaba shyrkhei jong ka Wah Bhoti Koshi kala jia ha ka 26 tarik Nailar 2026 ha ki jaka khappud ka Nepal bad China bad palat 400 ngut ki briew kynthup ki nongjngoh kai kila shah rong ha kane ka umsaw.
Ka SDMA ka kyrpad ia ki briew ba don jingtip ia ka jingdon ki nong Meghalaya ba jah ba kin pyntip da kaba ai kat kaba lah ia ka kyrteng bad rta jong kine ki briew, ka jaka sah ha Meghalaya, ka jaka ba iohi khatduh ha Nepal, ka sngi bad por ba iakren khatduh, ka kyrteng bad jingtip ba bniah jong ki bahaiing hasem.
Ka ong ba ia kine ki jingtip yn sa lum thup bad sa ai sha ki bor ba dei khmih na ka bynta ban pynthikna bad ai jingiarap.
