Nongstoin, Jymmang 29: Ki Kynhun Sengbhalang bapher bapher ka West Khasi Hills, kila aipor shitaew ia ka Tnad ka Koit ka Khiah ban pynshai halor ka jingrah syndet syndet ia ki tiar ki tar sumar na ka MCH Hosptal, Nongstoin, West Khasi Hills ha Mawkyrwat, South West Khasi Hills District.
Kane ka jingpan jingpynshai kala mih hadien ba kine ki kynhun Sengbhalang kila hiar jurup ia ka MCH Hospital ban pynthikna ia ka jingioh khubor, ba ka Tnad kala pynkynriah ia kiba bun ki tiar sha Mawkyrwat.
Kine ki sengbhalang ki kynthup ia ka WKSU, WYF, HANM, MYF bad UHM. Kine ki seng kila hiar jurip hynne ka sngi Nyngkong bad lap ba baroh ki tiar bala mang ia kane ka hospital, kila jah bad ym lapdien shuh.
Halor kane ka jingshem, kine ki Seng kila dawa ia ka Myntri ka Koit ka Khiah ban ai jingpynshai hapoh ka shitaiew haba byrngem ruh ba lada ym ioh ia ka jingpynshai, baroh ki seng kin shim da ka sienjam kaba tyngeh.
