Nongstoin, Iaiong 13: Ka seng WKSU Nongstoin circle ha ka jingialam u vice president Badjuban Hoojon, ki lah leit ban iakynduh ia u Deputy Commissioner ka West Khasi Hills District, ban pan jingshai halor ka jingslem ban pyllait ia ki bill jong kiba trei ha ka por elekshon.
Ki Nongialam ka seng ki la ioh pdiang ia ka jingud jingnam na ki nongniah kali halor ka jingpynslem ban siew noh ia ki bill jong ki, hadien ba ki la shah pynngat election duty.Namar kane, ka seng ka leit ban iakynduh ia u D.C ban pan jingshai haba ioh jingtip ba kiwei ki District ki lah dep ban siew lut ia ka pisa.
La iathuh ba DC u lah pynshai ba ka jingpynslem ia ki bill ka dei halor ka jingshim shuti i officer ba dei khmih. Hynrei, u la kular ban shimkhia ia kane ban pyllait noh la kumno kumno hadien shi taiew. Halor kane, na ka liang ka seng kan dang iai buddien kumba u DC u la kular.
