Pan jingshai ka MPTA ba talasi ‘Heath Certificate’ ki seng u Wanshai Kharshandi ia ki syiar

Date:

Share post:

Shillong, Rymphang 11: Ka Meghalaya Poultry Suppliers and Meat Eaters Association (MPTA) hynne ka sngi kala buh jingkylli, mano ba ai bor ïa u Wanshai Kharshandi bad ki paralok jong u ban talasi iaki syrnot ‘Health Certificate’ na ki kali kit syiar ba rung sha Meghalaya.

“Mano ba ai bor ïa u Wanshai bad ia ki lai tylli ki Association jong u ban talasi iaki syrnot ‘Health Certificate’ jong ki kali kit syiar kiba wan sha Meghalaya” la ong u Bah Everest Mylliem Umlong u president ka MPTA.

U Bah Everest u la kam ba ka MPTA ka don ki sabut ba u Wanshai u la lum pisa na ki kali kit syiar ba wan sha Meghalaya ha ka kyrteng jong kiwei pat ki Association.

U la pyntip ba ka MPTA ka la dep ban ujor da ka ejahar ha Byrnihat Police Outpost ha ka 27 tarik Kyllalyngkot.

“Ka Association ka la dawa ruh na ka tnad Animal Husbandry and Veterinary ka Sorkar Meghalaya ban pynshitom ïa u Wanshai lem bad ki paralok jong u. Ngi la dawa ruh na ka tnat ban pynmih daki kynon treikam (Standard Operating Procedures) na ka bynta ka jingwanrah ïa ki Syiar sha ka Jylla” u la bynrap.

U Bah Everest u la ong ba ka MPTA mynshwa ka la ioh jingtip ba ka don ka jingkhrong pisa beain ha Byrnihat hynrei mar ia poi ha ka jaka kiba donkti ban lum pisa ki la phet krad noh na katei ka jaka.

“Ha ka sien kaba ar ban lum pisa beain, ka MPTA ha ryngkat ki nongkhaïi ki la hiar sha katei ka jaka bad ngi la dep ruh ban ujor ejahar ha Byrnihat Police Station bad mynta ka jingtohkit ka dang ïaid shakhmat ha kaba ïadei bad ka jingujor jong ngi” u la ong.

Share post:

spot_img

Popular

More like this
Related

Maldives Football team arrives in Shillong for friendly match against India

Shillong, March 16: The Maldives national football team arrived...

Khynra ka Tnad GST ia ki karkhana Coke ha Assam ba iaid lait ban siew khajna

Guwahati, Lber 16 : Ka Tnad Central Goods &...

Assam | Kyndang ka NCB ia ka kynhun khaii droks ka pyrthei | Kurup ia u meth ba T.88 Klur |Kem 4 ngut

Guwahati, Lber 16: Ha ka jingkhynra pyrshah ïa ka...

Assam | Kular u Amit Shah ban pyntreikam pura ia ka BTR Peace Accord hapoh ka arsnem

Yn pyndon burom ka Delhi ia u Bodfa Upendra...