spot_img

Pan jingshai ka KSU na ka Civil Hospital ba sumar torti ki doktor ia ka Longkmie ba kha khun

Date:

Share post:

Nongpoh, Jymmang 26 : Ka Khasi Students’ Union (KSU)-Nongpoh Circle, hynne ka sngi Nyngkong, kala leit pan jingshai na ka Medical Superintendent ka Nongpoh Civil Hospital Dr D Blah, halor ka jingkynnoh ba sumar torti ki doktor ia kawei ka Longkmie ba leit kha khun ha kane ka jaka sumar ka Sorkar.

Kane ka jingkynnoh kala mih hadien ba kane ka longkmie kala leit bar da u kymphad tang hadien katto katne sngi ba kala mih na hospital hadien ba dep kha ia I Khun.

Kat kum ka jingiathuh ka KSU-Nongpoh Circle, kane ka Longkmie ba na ka thain Umden, kala leit sumar ha Civil Hospital naduh ka 10 tarik Jymmang ban kha khyllung bad kala ioh ban mih noh ha ka 14 tarik Jymmang ban leit phai shala iing. Hynrei la ong ba tang hadien katto katne sngi bala mih na kane ka jaka sumar, kane ka longkmie katba ka dang leit bar hynnin ka sngi, la mih pynban da u kynphad ba pyndonkam ha ka por ba sumar ia ka.

Kane ka longkmie kala ujor ia kane ka jingsumar torti ka hospital sha ka KSU, kaba la shimhia ban leit iakynduh syndon ia ka Medical Superintendent, ban pan jingshai bad ban phah leh ia kaba donkam.

U Asst Secretary ka KSU-Nongpoh Cirlce samla Rishot Lapang ula iathuh ba ha ka jingiakren bad ka Medical Superintendent ka Civil Hospital, la pyntip ba kane ka jaka sumar kala pynlong ia ka jingtohkit halor kane ka jingjia bad kala lap ruh ba kala don ka jingbakla na ka liang ki nongsumar.

U iathuh ba ka Medical Superintendent kala kloi ban pdiang ia katei ka jingbakla bad kular ban ai ka jingsumar ba paka ia kane ka longkmie.

Ka Seng kala kyntu jur ia ki bor pyniaid ka Nongpoh Civil Hospital ba kin bthah ia ki nongtrei (doktor/nurse) ba kin trei janai bha haba sumar ia ki nongpang ym ban shu trei torti namar kane ka lah ban wanrah ia ka jingeh ia ki nongshah sumar.

 

Share post:

spot_img
spot_img

Popular

More like this
Related

Thmu ka Sorkar ban pynlong jingiakop ia ki shnong ba thung bun eh ki dieng Cherry Blossom

Shillong, Jylliew 29 : U Myntri kam jngohkai Bah...

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...