Nongstoiñ, Nohprah 8: Ki saw tylli ki Senghalang ka West Khasi Hills, kila pan jingpynshai na ka tnad PWD halor ka jingthmu ban aiwai ia ka Inspection Bunglow (IB) ka Tnad sha ki riew shimet khlem da khot tender.
Kine kisaw seng ki kynthup ia ka WKSU, UHM, MYF bad WYF kiba la leit iakynduh ia u Executive Engineer (EE) ka PWD ban pan jingshai ia kane ka jingthmu.
“Na ka liang jong ngi ki kynhun ki sengbhalang ngi dawa na ka office ban pynsangeh mardor kat bym pat shai halor kane ka kam. Ngi dawa na u Executive Engineer ba u dei ban pynshai halor ki nongrim ba balei ban ai wai sha ki riew shimet ïa katei ka IB PWD” kila ong.
Kat kum ka jingong jong ki, “U Engineer u la kren shai hakhmat jong ngi ba um tip ei ei halor kane, namar u khlem pat ïoh jingtip ei ei haduh mynta. Hynrei la sngewthuh ba kane ka dei ka rai jong u Chief Engineer namar, dei ma u ba batai bad pynïaid kumno ban leh. Ngi ki saw seng ngi buh ki jingdawa na ka office ban pynshai”.
“Na kaei ka daw la hap ban ai wai noh ïa ka IB PWD ha ki riew shimet. Hato katno la ai wai ïa kane ka IB PWD la ka dei man u bnai lane ha ka shi snem bad balei khlem da khot da ka legal tender halor kane ka kam” kila buh jingkylli.
“Kawei pat ka long da lada u EE bad u CE kim ïatreilang kamut ba ka don ka jingbym sngewthuh jingmut hapdeng jong ki”, kila bynrap.
