Kyntait u DyCM ia ka jingkynnoh ba ieh noh ia ka MRSSA
Shillong, K’lyngkot 27 : U Symbud Myntri Rangbah ba khmih ia ki kam pohiing Bah Prestone Tynsong ha ka sngi Ba-ar, ula iathuh ba ka Sorkar ka dang bishar ia ki lad ki lynti ban pynrung ia ki kyndon kiba iasyriem kum ka Inner Line Permit (ILP) ha ka Immigration and Foreigners Act 2025.
“U Myntri Rangbah ula dep ban ai jingkren halor kane bad ngi la bishar la ngi lah ban em ban pynrung ha ka Immigration and Foreigners Act ba thymmai ia ki kynja kyndon hangtei ban lah pyntreikam ia ka kum ka ILP” ong u Bah Prestone.
Ula bynrap “Hynrei ia kane ruh ngi hap phai sha ki kyndon ba bniah ha ka Immigration and Foreigners Act, 2025 bala mynjur da ka Parliament, ka ban sa khmih bniah da u Advocate General bad ka kynhun ki stad ain.
U Bah Prestone ula kyntait ia ka jingkynnoh ba ka Sorkar Jylla kala iehnoh shadien ia ka Meghalaya Residents Safety and Security Act, 2016 (MRSSA).
“Mano ba iathuh iaphi ba ngi la iehnoh shadien ia ka MRSSA?. Katto katne ki bynta jong ka MRSSA la pyntreikam mynta. Ngi la treikam hapoh ka MRSSA” ula ong haba bynrap “Ngi la don ia ki District Task Force (DTF) ba khlieh da ki Deputy Commissioner. Ngi la pyntreikam ruh ia ki kat kum ka Rules. Ngan iathuh ha phi kawei, ka MRSSA kala treikam pura”.
Haba iakren bad ka Amendment Bill jong ka MRSSA, u Bah Prestone ula batai ba ka Original Act kam don satia ia ki kyndon ban pynieng ia ki entry-exit point, ta ka daw ia ka amendment bill lah phah sha ka Ministry of Home Affairs.
“Ngi la pyntreikam ia ka MRSSA, hynrei lada pynshong ain, ngim lah ban pynieng ia ki entry-exit point namar kam don sati aka kyndon ha ka MRSSA” ula ong.
 ha ka Immigration and Foreigners Act 2025.){kind=link}