Shillong, Naitung 25: U Director General of Police (DGP) Dr L R Bishnoi, ula pan ia ka jingiatreilang jong ka Tnad Pulit na Assam ha kaban kem ia ki ‘Kingpin’ kiba donkti ha ka jingpyniaid ia ka kam tih dewiong beain bad ruh ia ki karkhana coke beain ha Jylla Meghalaya.
“Tang mar iamih ka hukum ka Iingkashari High Court, ha ka jingtohkit, ki (kingpin) kyrteng kila mih bad la pynthikna ia ki jaka sah jong ki bad la slem ba baroh ki dei na shabar ka Meghalaya” ong u Dr Bishnoi haba iakren bad ki nongthoh khubor.
Kat kum ka jingong jong u, “Nga la thoh shithi sha u DGP ka Assam ba kdew ia ki jingtip ba pura halor kine ki briew (kingpin) bad ki jaka sah bad nga la pan ia ka jingiatreilang ban iohkem ia ki” ula bynrap.
U DGP u pyntip ba kawei ka kynhun jong ki Pulit ka Meghalaya kila sah ha Guwahati mynta la 15-20 sngi bad da ka jingiarap ki Pulit ka Assam, kila pynlong ia ka jingkhynra ia ki Iingsah jong ki.
“Hynrei sngewsih, ym shym la lap iano iano ruh ha ki iingsah jong ki bad lehse kila kylliang ruh ia ki nombor phone bad kila phet ruh na Assam sha kiwei ki jaka. Ta ka daw kan nang shimpor hynrei ngin iai thwet ia ki” ula ong.
Pule ruh: Thung ka Sorkar ia u Prof SM Sungoh kum u Chairperson ka State Education Commission
 Dr L R Bishnoi, ula pan ia ka jingiatreilang jong ka Tnad Pulit na Assam ha kaban kem ia ki ‘Kingpin’ kiba donkti ha ka jingpyniaid ia ka kam tih dewiong beain bad ruh ia ki karkhana coke beain ha Jylla Meghalaya.){kind=link}