Shillong, Jylliew 24: Ka Khasi Hills Autonomous District Council (KHADC) ka la lum khajna T.11,98,48,208 na ka Professional Tax na ka bynta u snem 2024-2025.
Ia kane la pyntip da u Executive Member ba khmih iaka tnat Finance u Bah Seiborlang Warbah ha ka sngi sdang jong ka dorbar lyiur jong ka KHADC.
Haba jubab ia ka jingkylli ba la wanrah da ka MDC ka Nongskhen ka Kong Grace Kharpuri, Bah Seiborlang u la ong ba kito kiba hap ban siew ia ka khajna Professional Tax ki kynthup ia ki nongtrei Sorkar, ki nonghikai, ki nongtrei jong ki bank, ki Business Class ne ki karkhana bad ki kontraktor.
U Bah Seibor u la ong ba kumba ka long mynta ki don 20 ngut ki nongtrei ka Tnad Finance ha KHADC kiba peit ia ki kam ba iadei bad ka khajna Professional Tax.
“Ka pisa baroh kaba la lum na ka khajna professional tax hapoh u snem 2024-2025 ka long T.11,98,48,208” la ong u Bah Seibor.
 ka la lum khajna T.11,98,48,208 na ka Professional Tax na ka bynta u snem 2024-2025.){kind=link}