Shillong, Nailur 15: U Myntri Rangbah ka Jylla Conrad K. Sangma ula iawer ban don ia ka jingiatreilang ha ja imlang sahlang baroh kawei ban iakhun ia ka jingpang HIV/AIDS, da kaba kdew ba ka jingpang HIV ha ka jylla kala long arshah ban ia ka jinglong jingman ha ka ri baroh kawei.
U Sangma ula kren ia katei hadien ba ula dep lum ia ka jingialang kaba nyngkong jong ka Meghalaya State Council on AIDS.
Chaired the first meeting of the Meghalaya State Council on AIDS.
HIV/AIDS remains a serious public health challenge for Meghalaya and requires a coordinated, whole-of-society response. Meghalaya’s HIV prevalence stands at 0.40 which is twice the national average of 0.20%. Since… pic.twitter.com/WVWluLQzvv
— Conrad K Sangma (@SangmaConrad) September 15, 2026
Katkum ka jingong u Myntri Rangabh, ka jinglong jingman ka jingpang HIV ha Meghalaya ka long 0.40%, haba ianujor bad ka jinglong jingman hapoh ka ri kaba long 0.20%. Ula ong ba ka jingsaphriang thymmai ka HIV kala kiew sha ka 58.74% naduh u snem 2010, kaba la pynlong ban don 7 ngut kiba ioh ia kane ka jingpang ha ka shi sngi.
Ka jylla ia mynta ka don haduh 618 ngut kiba ioh ia ka HIV, kaba kynthup ia ki 60 ngut ki longkmie kiba punkhun kiba imlang bad ka jingpang HIV, ula ong.
U Sangma ula ong ba ka jylla kan pynleit jingmut ha ki 5 tylli ki jaka kiba kongsan, ban lap dang kloi, ban pynbha ia ka jingai jingsumar bad ka jingbuh ia kiba pang, ban iada ia ka jingioh thymmai ia ka jingpang, ban iada ia ki kmie bad ia ki khun, ban pynduna ia ka jingshah lehbein kiba donbynta bad ka jingpang HIV.
Ka jingialang kala kren ruh ban pyniar ia ka jingleh Test dalade ia ka HIV bad ia ki paralok kiba iajan, ban buh ia ki Mobile Integrated Counselling and Testing Centres (ICTC), ban buh ia ki Anti-Retroviral Therapy (ART) Centre kiba thymmai, ban pynpoi ia ki dawai dashin ha ki iing ki sem bad ban buddien ia kito kiba la klet ban leit phah khmih ialade.
Ka sorkar ka don ruh ia ka jingthmu ban pynkhlain ia ki jingpynsngewthuh paitbah kaba kynthup ia ki samla, ki shnong ki thaw, ki jaka pule bad ki briew kiba im bad ka jingpang HIV.
U Sangma ula ong, ba ka jingiatreilang kaba khlain bad kaba sngewthuh jingmut ban shim ia ki sienjam ka long kaba donkam ban pynthikna ba ym dei ban don mano mano ruh kiban shah ieh shadien ha ka jingiakhun pyrshah ia ka HIV/AIDS.
