Shillong, Iaiong 16 : Palat 750 tylli ki Shnong ki bym pat pyniasoh surok ha Meghalaya, kila shah kynthup mynta hapoh ka Pradhan Mantri Gram Sedak Yojana (PMSY) Phase-IV, bad shen kin sa iohi noh ia ka surok ba ka wan poi ha ki shnong ki thaw jong ki.
Ia kane la pynbna da u Symbud Myntri Rangbah ka Jylla ba khmih ia ka Tnad PWD (Roads) Bah Prestone Tynsong uba dang shu wan na ka jingleit iuhkjaj ba arsngi ha Ri-lum Garo ban pyniaid ia ki jingialang bishar kam jong ka Tnad haba iadei bad ki project shna surok hapoh ka thain.
“Watla ngam don ia ka jingkhein kaba thikna, hynrei palat ne duna ia ka 750 tam ki Shnong thymmai, ki bym pat pyniasoh surok ha baroh kine ki snem bala leit noh, kila shah kynthup ha ka PMGSY-IV” ula ong.
Ula bynrap ba ka Tnad PWD (Roads) kala shah bynshet ban pynkhreh ia ki Detailed Project Report (DPR), ban khot tender, bad ban pynthikna ia ka jingpyntreikam ia ki project kat kum ka por bala buh bad kat kum ki kyndon bala buh da ka Ministry of Rural Development.
U Bah Prestone ula iaroh ia ka tnad PWD bad ki Engineer ha Ri-lum Garo haba iadei bad ka jingpyntreikam jong ki ia ka PMGSY jong ki phase bala leit. “Naduh ka PMGSY-I ka jingpyntreikam ka dei kaba la peit pyrman bha da ka Ministry. Hynrei ha kane ka kynti ba mynta, ngi la thaw ia ka record. Ka Ministry kala kmen bha ia ka jingiaid ki kam bad ka jinglah treikam jong ka Tnad PWD ka Jylla” ula ong.
Ula iathuh ruh ba bun ki Project jong ka PMGSY-I, II bad III ki dei kiba la jan dep lut bad la khmih lynti ba baroh kin dep hashuwa ban kut une u snem.
 Phase-IV, bad shen kin sa iohi noh ia ka surok ba ka wan poi ha ki shnong ki thaw jong ki.){kind=link}