Shillong, Rymphang 05 : Ka jingiawad ia ka met jong u nongtam marjot, kala iaid palat 50 kynta mynta naduh ba u shah tep im ha ki niut ba twa ha Marten ha ka step sngi sngi Saitjain.
Ka kynhun ka SDRF ryngkat ki Pulit ka Mawlai bad ki riewpaidbah, ki dang iai bteng ban iawad ia ka met jong une u briew hapdeng ka jingartatien ba un dang don mynsiem bad ba ka met ka phad kan dang neh kumba long.
Une u nongtam marjot u dei u Bah Marshal Marwein ba 30 snem ka rta, uba dei na ka thain Mawkyrwat bad ba shong wai ha Mawlai Mawiong.
Ki Pulit ki iathuh ba ka jingiawad ia une u rangbah ka dang iai bteng haduh mynta haba kyrmen skhem ban lap noh.
Ki Pulit kila pynpaw ia ka jingartatien ba un dang don mynsiem namar ka jingshah taplup ha ki niut kaba la iaid palat 50 kynta bad khlem ioh lyer ring mynsiem.
Kila pynpaw ruh ia ka jingdiaw ban dang lap ia u hapdeng ka met ka phad kaba pura namar ka jingdon ding ha ki niut kiba la bhen ia u.
Ki iathuh ba ki niut ki dang mih tdem beit puk puk na ka jingdon ding sha ki bynta ba shapoh bad kane kala buh ruh ia ka jingeh eh ia ki ba kin khyllie ia ki niut.
