Shillong, Nailar 06 : Palat 30-40 ngut ki nongshong dukan madan ha Khyndailad kin dang ban ioh ia ka Certificate of Vending (CoV).
Ia kane la pyntip da ki dkhot ka Provisional Town Vending Committee (PTVC) hadien ka jingialang ba la pynlong da u Chairperson bad Chief Executive Officer (CEO) ka Shillong Municipal Board (SMB) PK Boro hynne ka sngi Balang.
Ha kane ka jingialang la wan ban iashimbynta da ki nongshong dukan madan kiba don ha ka lama jong ka Shillong Roadside Hawkers’ Associatin (SRHA) bad ka Meghalaya Greater Shillong Progressive Hawkers and Street Vendors Association (MGSPHSVA).
Ka PTVS kan sa pynlong biang sa kawei ka jingialang ban iakren bad pynbeit iaki kam ba iadei bad ka jingsam ia ki CoV.
Haba kren sha ki lad pathai khubor, u President ka SRHA Kong T Nongbri, kala pynpaw ia ka jingsngew hun ia kaei kaba mih na ka jingialang, haba pynpaw ba ka jingiakren ka long kaba seisoh bad ba kin nang bteng ban iatreilang ha kaban leh eiei ia ki jingsngewkhia jong ki dkhot.
Ka pyntip ba ka Associaton kala pynsngew ia ki jingsngewkhia halor ka jing don ki nongshong dukan kiba dei hok ban ioh jingithuh, ki ban dang ioh ia ka CoV.
“Halor kane, ki dkhot ka PTVC kila kular bas a kawei ka jingialang yn sa pynlong ban iakren bad sam ia ki CoV sha kito kiban dang ioh iaki” ong ka kong Nongbri.
U dkhot ka SRHA Bah E Chen ula pyntip ba ki dang don kumba 30-40 ngut ki nongshong dukan madan ha ka thain Khyndailad ki ban dang ioh iaki CoV.
Ula ong ba ka PTVC kala phah ia ki kot ki slab a donkam sha ka Shillong Municipal Board (SMB), kaba dei ka bor ban ai ia ki CoV.
“Ngi kwah ban iatreilang bad ka Sorkar ban pynthikna ia ka khuid ka suba ka sor Shillong” ong u Bah Chen.
.){kind=link}