Tura, Risaw 16 : Ka jingiakhih Non-Cooperation Movement (NCM) bala khot pynlong da ka kynhun ki Sengbhalang ka Ri-lum Garo, kala sdang hynne ka step sngi Palei naduh ka por 5 baje bad kala wanrah ia bun ki jingjia ba pynthut ia ka leit ka wan u paidbah wat hapdeng ka jingmaham jong ki bor District kiba la niew ia kane ka jingiakhih kum ka jingpynkhein ia ka hukum ka Iingkashari Meghalaya High Court.
Ka NCM kaba la buh ban long ha ka 16 bad 17 tarik Risaw naduh ka por 5 baje mynstep haduh 5 baje janmiet, la pynlong halor ka kam ba iadei bad ka rukom siew tulop ia ki nongtreikam GHADC bad ka rai ban pyniaid ia ka Tura Medical College da ka PPP model.
Tang da ki kynta ba sdang ka NCM, ki riew runar kila thang taiar hajan ka Bokmagre Petrol Pump ha Tura, bad kumjuh ruh ha ka surok Dobasipara.
Ka sor Chibanang ha West Garo Hills kala kynjah slam slam na ka jingkhang lut ki dukan, kaba la ktah ia ka jingim ba man ka sngi jong u paidbah.
Kum ka jingantad lypa ban mih kine ki jingjia, ki bor pyniaid District ha ka sngi Balang kila pynmih ia ka jingpynbna ba pyn kynmaw ba ki pakhang shnong, ki strike bad ki Non-Cooperation Movement ki dei kiba beain kat kum ka hukum jong ka Iingkashari Meghalaya High Court.
Ka District Magistrate Mary Lisa K Marak kala pynjari da ka kyndon 163 jong ka Bharatiya Nagarik Suraksha Sanhita (BNSS), 2023, ba khang ban pynthut ia ka leit ka wan ki kali, ka jingrah ia ki lathi, ki maw, ki tiar pynmynsaw bad ka jingpynthut ia ka jingplie ki dukan, ki Ophis bad kiwei kiwei. Kala khang ruh ban ialum briew ba palat 5 ngut da ka jingthmu ban pynmih ia kano kano ka jingkulmar.
U Superintendent of Police, West Garo Hills, Abraham T. Sangma, ula pyntip ba ula pynkhlain ia ka jingdon ki Pulut ha man ki jaka hapoh ka District ban tehlakam ia ka shongsuk shongsan. Ula maham ruh ban leh da kaba tyngeh pyrshah ia kino kino ki briew kiba pyrshang ban pyntreikam ia ka NCM lane pynthut ia u paidbah.
 bala khot pynlong da ka kynhun ki Sengbhalang ka Ri-lum Garo, kala sdang hynne ka step sngi Palei naduh ka por 5 baje bad kala wanrah ia bun ki jingjia ba pynthut ia ka leit ka wan u paidbah wat hapdeng ka jingmaham jong ki bor District kiba la niew ia kane ka jingiakhih kum ka jingpynkhein ia ka hukum ka Iingkashari Meghalaya High Court.){kind=link}