Shillong, Nailur 25 : U Nongialam ka BJP bad Myntri Sorkar Bah Sanbor Shullai ha ka sngi Thohdieng ula ong ba un leit haduh u pud, wat ban rung ka kamra thiah u Myntri Rangbah Narendra Modi, ban iada ia ki paid Khristan.
Haba kynthoh ia ki jingkynnoh ba mano ban iada ia ki Khristan lada u don ha ka BJP, u Bah Sanbor ula ong “Kane ka dei ka jingkynnoh ba mano ban iada ia ki Khristan, ba u Bah Sanbor u don ha ka BJP…Ma nga hi ngan iada ia ki, Ngan lei twat sha ka kamra thiah u Modi lada don kum kitei ki jingkynnoh”.
Ula ong ba kine ki jingkynnoh ki dei ki bym don nongrim satia. “Ka dei tang ki jingkynnoh ba khlem nongrim, peit ia ka nuksa na ka constituency jong nga” ula ong.
