Shillong, Risaw 26 : Ki Pulit kila ioh ban kem ia uwei u briew uba donkti ban shoh ia u rang ialehkai cricket ba mihkhmat ia ka Jylla sha ka Ranji Trophy, kaba la jia ha ka 4 tarik Risaw ha ka thain Anjali Petrol Pump.
Ia kane la pyntip da u Superintendent of Police (City) ka East Khasi Hills, uba iathuh ruh ba ki Pulit ki dang thwet mynta ban kem sa ia ki paralok jong une u runar.
Ha ka miet sngi Balang por 9:20, une u rang ialehkai cricket Lakhan Singh ula shah khang lynti bad shah shoh ha ki briew katba u dang do ha lynti ban leit phai shala iing ha Jhalupara. Ha kane ka jingjia, une u rang ialehkai ula mynsaw malu mala na ki bynta ki durkhmat.
Ki Pulit kila register case ia kane ka jingjia ha Sadar Police Station kat kum ka Case No. 274(10)2023 u/s 325/341/506/34 IPC.
Une u Heh Pulit u pyntip ba ia une u briew ba donkti la kem ha ka 5 tarik Risaw bad la ialam tian bishar ia u hapoh ka Iingkashari hadien ka Police custody.
