Nongpoh, Risaw 05: Ki pulit ka Nongpoh Traffic Police ha ka sngi Saitjain, kila bat ia bun tylli ki kali pynkhein ain kham tam kiba niah kali hapdeng ka jingshoh khawiang bad ioh dain kuna haduh T. 3 lak duna.
Ia kine ki nongpynkhein ain la bat ha ka jingtalasi kali kynthup ki ar shaka, kaba la pynlong naduh ka por mynsngi haduh ka por mynmiet.
Ha katei ka jingtalasi, ki Pulit kila lap ba bun naki paidbah kim patiaw satia ïaki aiñ ñiah kali khamtam iaka jingshngaiñ ka jingim da kaba deng iaki helmet, ki seatbelt, watla ki pulit ki ju ai ka jinghikai bad ka jingmaham naka por shaka por ïaki paidbah ba leit ba wan.
Ha kane ka jingtalasi, ki pulit kila ioh ban daiñ kuna haduh T.1,33,000/- haka por mynsngi bad T. 1,60,000/- naki nongñiah kiba dih buaid haka por mynmiet bad baroh ka jingioh lum jong ki pulit kala kot kumba T.2,93,000/-.
Naka liang ki pulit kila maham ruh ïaki paidbah ba kim dei ban kheiñ sting haba ñiah kali naduh ki ar shaka haduh ki kali heh hynrei ban bud ryntih ïaki kyndon aiñ naka bynta ka jingshngaiñ bad ban lait na kino kino ki jingjia ba sngewsih.
