Tura, Iaiong 28 : Ka jingma kala sdang ban wan ia ka Ri-lum Garo namar ka jingleh test Covid-19 kala sdang ban lap ia ki briew kiba don ia une u khniang jingpang tang ha kane ka taiew ba mynta.
Tang ha ka 27 tarik Iaiong, ka Tura Civil Hospital kala leh haduh 42 tylli ki test bad haduh 6 ngut na ki nongpang la shem ba ki don ia u khniang jingpang ha ka met.
Shuwa kane, san ngut ki briew kila don ia une u khniang bala shem na ka jingleh test.
Kat haduh hynnin ka 27 tarik, ka jingdon ki briew kiba don ia ka jingpang Covid kala kot sha ka 11 ngut ha Tura.
