Shillong, Risaw 30 : Arngut ki briew ba ithuh kum u Marvinson Jyrwa bad Skhemkupar Massar, kila shah pynngat ha ka jingpynsajia da kaba set phatok haduh hynriew snem namar ki kam bymman ba hap hapoh ka Narcotic Drugs and Psychotropic Substances (NDPS) Act.
Ka hukum bala pynmih da ka Iingkashari E Shabong, Special Judge (NDPS) ka East Khasi Hills ha ak 27 tarik Risaw, ka ong ba kine ki arngut kila shah pynngat ban shong phatok haduh 6 snem bad kin hap siew ia ka kuna ba T.60,000. Lada kim lah siew kin hap shong along sa 1 snem halor ki kam bymman kiba shah pynsajia kat kum ka kyndon 21(b) 29 NDPS Act R/w sec 77 Juvenile Justice Act.
Ia kane ka case la register hapoh ka Lumdiengjri Police Station bad la tohkit ia ka da u UBSI Anderson Jyrwa.
