Jowai, Jymmang 15 : Ka Iingkashari District Session Judge ka West Jaintia Hills, kala hukum ban set along haduh 10 snem ia uwei u briew uba donkti ban pyniap ia u rangbah ha thain Jowai naduh u snem 2008.
Une u nongpyniap briew u kyrteng u Herman Shylla uba la shah kem halor ka jingpyniap ia u Lang Pale ha ka 17 tarik Rymphang, 2008.
Ki Pulit ka Jowai Police Station kila register case pyrshah ia u Herman hapoh ka kyndon 302/34 IPC bad u SI M.Myrboh ula khlieh ia ka jingtohkit bad chargesheet ruh ia une u briew.
Ka Iingkasahri ha ka 8 tarik Jymmang, kala ai ia ka jingbishar kaba hok da kaba hukum set phatol haduh 10 snem ia u Herman Shylla lem bad 2 bnai nalor ka jingsiar bai lutksan ba T. 3 lak sha ki bahaiing u Lang Pale.
