Guwahati, Rymphang 26: U Myntri Rangbah ka Jylla Assam u Himanta Biswa Sarma haka sngi kut ka dorbar mang tyngka, ula ong ba ka Sorkar Jylla kan ym shah ne ailad ban don ka jingiathoh shongkurim khynnah hapoh ka Jylla katba u dang im.
“Katba u Myntri Rangbah Himanta Biswa Sarma u dang im, ngin nym shah da lei lei ban don ka jingiathoh shong kurim khynnah” ia kane u Himanta Biswa Sarma ula ong hapoh ka ing dorbar bad ula pyntip ruh ba u nud ban kob ia baroh ba shwa u snem 2026 ngan pynkut shi syndon iaka kam iathoh shonhkurim khynnah.
Nalor kane ula ong “Pyrkhat iaki khynnah, Ngam shah ia ki khynnah ba 5-6 snem kin poi shaka jingiathoh shongkurim. Katba nga dang im, ngam shah da lei lei ruh ban jia hapoh Assam”.
U Himanta ula pynrem jur ruh iaka All India United Democratic Front (AIUDF) daka ba kynnoh na ka kyrshan iaka jingiathoh shongkurim khynnah bad ka pyrshah iaki sienjam ba shim ka Sorkar Jylla ban rat dkhong ia kane.
