Jowai, Nailur 10 : Kawei a trok dumper, kala ngat ha kawei ha ka thliew kaba don hapdeng ka surok NH-6 ha East Jaintia Hills bad kawei ka taiar khmat kala ngam ha kane ka thliew, kaba lam sha ka jingsahkut kali ba palat 24 kynta.
Kane ka jingjia kala jia ha ka shnong Umkiang, East Jaintia Hills. Kane ka jingjia ka pyni ruh ia ka jingsniew shaba palat liam jong ka surok, kaba ki trai shnong kila kynthoh bad pynrem la slem bha.
Ka jingsniew jong ka surok ka dei ka jingsngewkhia kaba jur bha jong ki trai shnong bad ki nongniah kali ruh kumjuh.
Namar kane ka jingjia, ki kali baroh kila sahkut lut ha ka sngi Ba-ar tad haduh ban da dep tan ia kane ka trok na kane ka thliew.
