Tura, Risaw 9: Ka surok National Highway kaba pyniasoh ia ka Tura bad ka Dalu, kala ngam pura hapoh ka thain Jenggitchakgre hynne ka step sngi Nyngkong, kaba pyndkut syndon ia ka leit ka wan ki kali.
Kat kum ki heh Sorkar, kane ka jingngam ka dei namar ka jingshah khtong ka khyndew namar ka jingpom dieng. Ki briew kila pom lut ia ki dieng kiba ju bat ia ka khyndew ha kane ka surok, khnang ba kin ioh pyndonkam ha kaban rep syrti.
Kane kala wanrah ia ka jingsynjor ka khyndew khamtam ka jingioh khlong ka um ia ka khyndew n aka por sha ka por.
Ki Heh Sorkar kila pyntip ba kim lah satia ban khang ia ka jingpynngat ia ki dieng namar kane ka jaka ka dei jong ki Nokma kiba la sam hapdeng ki nongshongshnong ba kin iarep syrti.
Kane ka surok Highway kaba sdang na Jenggitchakgre ter ter haduh Kherapara ka dei kaba la ithuh kum ka surok ba lah ban ngam namar ka jingshong synjor lut ka khyndew ba jur ka jingiapom dieng.
